चिठ्ठा परेको भन्दै ठगी गर्ने दुई जना पक्राउ

चितवन, ८ असोज । सामाजिक सञ्‍जाल इमोमा २५ लाख रुपैयाँको चिट्ठा परेको भन्दै ठगी गर्ने दुई जना पक्राउ परेका छन ।

चितवन प्रहरीका अनुसार विराटनगर महानगरपालिका ११ का साहिल हुसेन र वडा ९ का कामेश्‍वर स्वर्णकारलाई पक्राउ गरी विराटनगर प्रहरीको समन्वयमा बुधबार चितवन ल्याइएको हो ।

उनीहरुले सामाजिक सञ्‍जाल इमो प्रयोग गरी विभिन्‍न मानिसलाई २५ लाखको चिठ्ठा परेको र प्रहरी तथा अन्य मानिसलाई जानकारी दिए तपाईंको पैसा सबै बदर हुन्छ भन्दै ठगी गर्दै आएका थिए ।

असोज ४ गते कालिका नगरपालिका ४, चितवन की एक महिलालाई पटक-पटक फोन गरी चिट्ठा परेको र करकट्टीका लागि केही पैसा जम्मा गरिदिन दबाब दिँदै आएको जिल्ला प्रहरी कार्यालय चितवनले जनाएको छ ।  उनीहरुले ती महिलालाई दुई लाख ८० हजार रुपैयाँ ठगी गरेकाले पीडित महिला प्रहरीसमक्ष पुगेपछि प्रहरीले उनीहरुको खोजी कार्य गरेको थियो । हाल उनीहरुलाई चितवन अदालतबाट सात दिनको म्याद थप गरी अनुसन्धान भइरहेको प्रहरीले जनाएको छ । 

प्रतिक्रिया दिनुहोस्

संबन्धित समाचार

बर्दिया, ५ कार्तिक । बर्दियाको मधुवनमा बाघकाे आक्रमणबाट एक महिलाको ज्यान गएको छ । सामुदायिक वनमा डालेघाँस काट्न गएकी मधुवन नगरपालिका

धादिङ, ५ कार्तिक । कोभिड –१९ को संक्रमणका कारण दुई दिनका अवधिमा धादिङका तीन जनाले ज्यान गुमाएका छन् । नेपाल

तनहुँ, ५ कात्तिक । अवैध हतियारबाट सर्वसाधारणलाई त्रसित र आङ्तकित पार्दै हिँड्ने एक जनालाई प्रहरीले पक्राउ गरेको छ । पक्राउ

चितवन, ५ कार्तिक । चितवनमा थप १०४ जनामा कोरोना संक्रमण पुष्टि भएको छ । भरतपुर अस्पताल कोभिड अस्पतालमा मंगलबार गरिएको