काठमाडौँ, ३ असोज । थप १ हजार २ सय ४ जनामा कोरोना (कोभिड-१९) संक्रमण भएसगै नेपालमा संक्रमितको संख्या ६१ हजार ७ सय ९७ जना पुगेको छ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमका अनुसार १० हजार ३ सय ३३ नमुना परीक्षण गर्दा १ हजार २ सय ४ जनामा कोरोना संक्रमित पुष्टि भएको हो ।
मन्त्रालयका अनुसार आज १ हजार ४ सय ४७ जना डिस्चार्ज भएसगै आजसम्म घर फर्किनेको संख्या ४५ हजार २ सय ६७ जना रहेको छ । आज ११ जनाको मृत्यु भएसंगै मृत्यु हुनेको संख्या ४ सय १ जना पुगेको छ ।