तनहुँ, ८ साउन । पृथ्वी राजमार्ग अन्तर्गत तनहुँको बन्दिपुर गाउँपालिका–५ याम्पामा बुधबार राति ट्याक्टर दुर्घटना हुदाँ एक जनाको मुत्यु भएको छ ।
जिल्ला प्रहरी कार्यालय तनहुँका अनुसार दुर्घटनामा परी मुत्यु हुनेमा सोही ठाँउका १७ वर्षीय सुमन नेपालीको रहेको छ । डुम्रेबाट याम्पा जाँदै गरेको ग १त १२२४ नं. को ट्याक्टर पल्टिदा नेपालीको घटना स्थलमै मुत्यु भएको छ ।
दुर्घटनामा चालकसहित दुई जना सामान्य घाइते भएका छन् । घाइते हुनेहरूमा १७ वर्षीय चालक सुरेश नेपाली र किसान कोइराला रहेका छन् । चालक सामान्य उपचारपछि प्रहरी नियन्त्रणमा रहेका छन् ।