झापा, ८ साउन । केही दिनदेखि बेपत्ता तीन जना बालक मृत अवस्थामा फेला परेका छन् ।
जिल्ला प्रहरी कार्यालय, झापाका अनुसार भद्रपुर नगरपालिका–२ मा रहेको सिमसार क्षेत्रमा १० वर्षीय अंकुश तामाङ, १४/१५ वर्षका करण थामी र उनका भाइ ११/१२ वर्षका अर्जुन थामी मृत अवस्थामा फेला परेका हुन् ।
मृतकमध्ये तामाङको शव बुधबार फेला परेको थियो भने बिहीबार बिहान थप दुई जनाको शव भेटिएको हो । प्रहरीका अनुसार खोजी तथा उद्दारमा १ नं. प्रदेश विपद व्यवस्थापन गुल्म, चन्द्रगढीबाट समेत टोली परिचालित भएको थियो । तीनै जना बालक घरबाट खेल्न जान्छु भनेर निस्किएका थिए । थप कानूनी प्रक्रिया सुरु गरिएको प्रहरीले जनाएको छ ।
