जनकपुरधाम, १८ असार । राजु सदा, शम्भू सदा र मलार सदाको मृत्युमा राज्य दोषी रहेको भन्दै दलित समुदायले बिहीबार जनकपुरधाममा विरोध प्रदर्शन गरेका छन ।
ठूलो संख्यामा रहेका प्रदर्शनकारीहरुले प्रदेश २ को मुख्यमन्त्रीको कार्यालय अगाडि पुगेर ढुङ्गा मूढा गर्न थालेपछि अवस्था तनावग्रस्त बनेको थियो । प्रदर्शनकारी र प्रहरीबीच केहि समय झड़प समेत भएको छ ।
झड़पको क्रममा एक जना प्रदर्शनकारीको टाउको फुटेको छ भन्ने एक जना प्रहरी समेत घाइते भएका छन । आक्रोशित भीड़लाई नियन्त्रणमा लिन धनुषा प्रहरीले अश्रुग्यास समेत प्रहार गर्नु परेको धनुषाका प्रहरीले जनाएको छ ।
प्रहरीका अनुसार तीन राउण्ड हवाई फायर र तीन राउण्ड अश्रुग्यास प्रहार गर्नु परेको र एक जना प्रदर्शनकारीलाई पक्राउ समेत गरेको छ ।