बैतडी, ३० जेठ । धनगढीदेखि पुर्चाैंडी नगरपालिकातर्फ जाँदै गरेको म १ झ ११३ नं को एम्बुलेन्स विन्द्रावनमा बिहीबार राति ९ बजे दुर्घटनामा हुदा एकै परिवारका ३ जना घाइते भएका छन् ।
पुर्चाैंडी नगरपालिका वडा नं ५ का ५४ वर्षीय दिल बहादुर कुवँर, उनकी श्रीमती ४८ वर्षीया बेलमती कुँवर र छोरा २० वर्षीय रोहित कुवँर घाइते भएको प्रहरीले जनाएको छ ।
दिल बहादुर र बेलमतीको अवस्था गम्भीर रहेको छ भने छोरा रोहितको अवस्था सामान्य रहेको खोडपे प्रहरी चौकीका इन्चार्ज राम दत्त भट्टले जानकारी दिए । उनीहरुलाई उपचारका लागि डडेल्धुरा अस्पताल लगिएकाे छ ।
एमबुलेन्स सडकबाट करीब २०० मिटर तल खसेको थियाे । तर चालक भने फरार रहेकाे प्रहरीले जनाएको छ । एमबुलेन्समा चालकसहित ४ जना सवार रहेको बताइएको छ ।
