काठमाडौँ, २२ जेठ । प्रदेश ५ का मुख्यमन्त्री शंकर पोखरेलले बजार खोल्दा काेराेनाभाइरस (कोभिड १९)को संक्रमण समुदायमा फैलिने चिन्ता व्यक्त गरेका छन ।
आज सामाजिक सञ्जालमार्फत मुख्यमन्त्री पोखरेलले भनेका छन, ‘क्वारेन्टाइन र लकडाउनका कारण कोभिड १९ समुदायमा फैलिएको छैन । आफूखुसी बजार खोल्दा समुदायमा फैलिए त्यस्को जिम्मा कस्ले लिने ? गम्भीर बनौँ ।’
गत चैत ११ गतेदेखि सुरू भएकाे लकडाउनकाे पछिल्लाे म्याद यही जेठ ३२ गतेसम्म कायम गरिएकाे छ । साना उद्योगी तथा व्यवसायीहरूको संगठन नेपाल राष्ट्रिय व्यवसायी महासंघले बुधबार पसल खुला गर्ने निर्णय गरेको थियो ।
