भीम रावलको मुखमा राष्ट्रवाद : प्रधानमन्त्री ओलीको व्यवहारमा

उपेन्द्र केसी

मुलुकलाई कोरोना (कोभिड–१९) महामारीको चपेटाले छोडेको छैन, झन् पछि झन् गहिरिदै गएको छ । उता, प्रधानमन्त्री केपी शर्मा ओलीले नेतृत्व गरेको पार्टी नेपाल कम्युनिष्ट पार्टी (नेकपा) भित्रै उनलाई घेराबन्दीमा पार्ने खेल सतहमा नै देखिने गरी शूरु भएको पनि धेरै भैसक्यो । सत्तारुढ पार्टी भित्र देखिएको अस्थिरताको मौका छोपी पछिल्लो पल्ट भारतले फेरी नेपाली सिमा अतिक्रमण ग¥यो ।

भारतले नेपाललाई जहिले पनि संकटमा घात गर्छ भन्ने कुरा फेरी यस पटक उदाङ्गो भएको छ । हाम्रो देशमा यति बेला चर्को विरोध भारत सरकारको हुनु पर्ने हो । उसको हेपाह, मिचाह प्रवृति प्रति हामी एक जुट भएर संघर्ष गर्नुपर्ने हो । अर्थात विरोध भारतीय प्रधानमन्त्री मोदी केन्द्रीत हुनु पर्ने हो । भारती सरकारका त्यसखाले प्रवृतिको प्रतिवाद गर्न देशका सबै राजनीतिक दलहरु एक ठाउँमा गोलबन्द्ध हुनु पर्ने हो । ढिलै भए पनि यस्तो संकेत नेपाली राजनीतिमा देखिन थालेको पनि छ । सीमा अतिक्रमणको प्रसंगमा प्रधानमन्त्री मोदीमाथि सोझाउँनु पर्ने विरोधको निशाना, केही–केही पार्टीभित्रै नेताहरुले भने ओलीमाथि सोझाएको देख्दा अचम्म लाग्छ ।

ओलीे सरकारको हरेक कामका विरोध गर्नेमा भीव रावल सम्भव त एक नंम्बरमा पर्छन् । लाग्छ, उनको अहिलेको प्रमुख कार्यभार अर्थात जिम्मेवारी नै सरकार चर्को विरोध गर्नु हो । र, त्यो पनि आक्रोशित मुद्रा शैलीमा । यसको अर्थ सरकारका हरेक क्रियाकलापहरुको समर्थनमा ताली पिट्नुपर्छ भन्न खोजेको चाँही होइन, अरु धेरै कुरालाई छोडिदिउ पछिल्लो पल्ट भारतले सीमा मिचेका कुरालाई लिएर उनले प्रधानमन्त्रीलाई विरोधको निशाना बनाएका छन् । र, जे कुरा बोलिरहेका छन् त्यो सबैले सत्य मानिदिनु पर्छ भनिरहेका छन् ।

लेखक :उपेन्द्र केसी

के अहिलेका प्रधानमन्त्री ओलीले भारतले सीमा मिचेको होइन कही कतै भनेका छन र ? सरकारले थाह पाउने वितिकै त्यसको विरोध गरेको होइन र ? हो, रावलले आफूलाई चर्को राष्ट्रवादी देखाएका छन्, उनी होलान पनि । त्यस्तो राष्ट्रवादी नेतालाई हामी ह्रदयदेखि नै सम्मान र समर्थन पनि गछौं । राष्ट्रवादी नेताहरुको खडेरी परेको देशमा रावल जस्ता नेताहरुको आवश्यक मात्रै होइन, खाँचो पनि त्यतिकै छ ।

उनी यही देशको गृह र रक्षा मन्त्री मात्रै होइन, उपप्रधानमन्त्री जस्तो गरिमामय पदमा पुगेका नेता पनि हुन् । देशको महत्वपूर्ण जिम्मेवारी सम्हालिरहदाँ भारतीय मिचाह प्रवृतिको दादागिरीलाई रोक्न र सीमा सुरक्षालाई वलियो बनाउन उनले विगतमा के रणनीति अख्तियार गरे कुन्नी केही थाह छैन ? उनी गृह र रक्षामन्त्री भएको बेला उनले निर्माण गरेका नीतिलाई अहिलेको ओली सरकारले पालना नगरेकै कारण पो भारतले सीमा मिचेको हो र ? यदी, हो भने कुरा अर्को हो । उनी, गृह र रक्षामन्त्री भएको बेला सीमानामा यीनले लगाउन लगाएका काँडेतार ओली सरकारले उखलेर फ्यालेको हो ? तर, उनको विरोध सरकार प्रति यही कार्यशैलीमा छ । आफू गृह र रक्षामन्त्री भएका बेला सीमा सुरक्षाका विषयमा ठोस नीति केही नबनाउने अरुले अहिले आएर चर्का कुरा गर्न सुहाउँछ ?

बरु, नेपालको इतिहासमा पहिलो पल्ट दुई देशीय सीमा वोर्डर कालापानीमा स्थायी चेक पोष्ट राख्ने साहस प्रधानमन्त्री ओलीले देखाएका छन् । प्रधानमन्त्री ओलीले व्यवहारमा देखाएको यो वहादुरीलाई सम्मान र तारिफ गर्नै पर्छ । रावल गृह र रक्षा जस्तो सम्वेदनशील मन्त्री भएको बेला नेपाल र भारतका वोर्डर एरियाका कुन–कुन ठाउँ चेक पोष्ट राख्ने काम गरे होलान, त्यो चाँही थाहा भएन । दुई देशबीचका वोर्डर एरियाहरुका सम्वेदनसील क्षेत्रका नाकाहरुमा कहाँ–कहाँ कडाई गरे होलान, त्यो पनि थाह भएन । अहिले आएर उनै चर्को स्वरले राष्ट्रवादी नारा घन्काउन थालेको देख्दा उदेक लाग्छ । मुखले वोलेर मात्रै केही हुँदैन कमरेड, व्यवहारमा देखाउनु पर्छ भनेर उनलाई कसले भनिदिने । बरु उनै, रावलले विहान उठेदेखि नसुतिसम्म गाली गर्ने प्रधानमन्त्री ओलीले व्यवहारमा राष्ट्रवादी चरित्र प्रर्दशन गरेका छन् । त्यसोत, भारतले गरेको नाकाबन्दीमा अहिले चर्को राष्ट्रवादी कुरा गरेर ओलीलाई सराप्नेहरु त्यो बेला कहाँ र कुन भूमिकामा थिए, त्यो चाँही थाह भएन् । भारतले नाकाबन्दी लगाउँदा मुलुक संकटमा परेको थियो । त्यो संकट र चूनौतिपूर्ण अवस्थामा यीनै प्रधानमन्त्री ओलीले व्यवहारमा देखाएको राष्ट्रवादी चरित्र हामीले चाँही विर्सेका छौनौं ।

कुनै बेला तत्कालिन एमाले प्रतिकूल अवस्थामा थियो । आमनिर्वाचनममा तेस्रो पार्टीमा झरेको थियो । देशमा पहिलो शक्तिको रुपमा तत्कालिन माओवादी पार्टीको उदय भएको थियो । देशै भरि माओवादी पार्टीको जगजगी थियो भने, त्यतिबेला एमाले रक्षात्मक अवस्थामा पुगेको थियो । भनौ, एमाले पार्टीमा संकट आइलागेको थियो, त्यतिबेला यिनै नेता रावलको मौनता बुझिनसक्नु थियो । अचानक तेस्रो शक्तिका रुपमा झरेको पार्टीका नेता माधव कुमार नेपाललाई देशको प्रधानमन्त्री हुने अवसर जुट्यो । पार्टी गतिविधिमा लामो समयदेखि मौन बसेको रावललाई तत्कालिन प्रधानमन्त्री माधवकुमार नेपालले रावललाई मन्त्री बनाए दिए । सम्भवत रावल मन्त्री नभएको भए उनको राजनीतिक यात्रा अनेत्रकतै मोडिन थियो होला । पार्टीलाई संकट परेको बेला खुट्टा उचालेर बस्ने उनै रावलले अहिले आएर ठूला कुरा गरेको सुन्दानै अचम्म लाग्छ ।

प्रतिक्रिया दिनुहोस्

संबन्धित समाचार

काठमाडौँ, २७ वैशाख । राष्ट्रपति विद्यादेवी भण्डारीले बहुमतको सरकार गठन गर्न दलहरुलाई आहृवान गर्नुभएको छ । प्रधानमन्त्री केपी शर्मा ओली

काठमाडौँ, २७ वैशाख । सरकारले प्रतिनिधिसभाको विशेष अधिवेशन सोमबार राति १२ बजेदेखि लागू हुने गरी अन्त्य गर्न सिफारिस गरेको छ

काठमाडौँ, २७ वैशाख । नेकपा एमालेको प्रवभाशाली विद्यार्थी संगठन अनेरास्ववियुका संयोजक/अध्यक्ष ऐन महरले संविधान अनुसार पार्टी अध्यक्ष केपी शर्मा ओलीले

काठमाडौँ, २७ वैशाख । प्रधानमन्त्री केपी शर्मा ओलीले प्रतिनिधिसभाको बैठकमा माग्नुभएको विश्वासको मतमा एमालेकै माधव नेपाल समूहका २८ जना सांसदहरुले

जनताको एउटै बोलि We love k.p oli भन्दै...... प्रधानमन्त्री केपि शर्मा ओलिको समर्थनमा बुटवलमा निकालिएको बृहत मोटरसाइकल -यालि.........।

Posted by Thapa Dinesh on Thursday, February 11, 2021