चितवन, २८ वैशाख । बारा घर भई चितवनको खैरहनी वडा नं. ९ मा डेरा गरी बस्दै आएकी मञ्जु अधिकारीलाई गएराति (शनिबार १० बजेको समयमा) उनका श्रीमानले खुकुरी प्रहार गरी हत्या गरेका हुन् ।
४५ वर्षीय कृष्ण प्रसाद अधिकारीले ३४ बर्षकी आफ्नी कान्छी श्रीमतीको घाटीमा खुकुरी प्रहार गर्दा उनको घटनास्थलमै मृत्यु भएको थियो । ईलाका प्रहरी कार्यालय खैरहनीले श्रीमान् अधिकारी र उनकी जेठी श्रीमतीलाई नियन्त्रणमा लिएर अनुसन्धान थालेको छ । घरायसी विवाद हुँदा श्रीमानले श्रीमतीमाथि खुकुरी प्रहार गरेको हुन सक्ने प्रहरीले बताएको छ ।