एजेन्सी, २६ बैशाख । अमेरिकामा कोरोना भाइरस (कोभिड-१९) बाट बिहाबार मात्रै २९ हजार ५३१ जना काेराेना संक्रमित भेटिएकाे वर्ल्डो मिटर्स डट इन्फोले जनाएकाे छ ।
अमेरिकामा कोरोना भाइरस संक्रमितको संख्या १२ लाख ९२ हजार ६२३ पुगेकाे छ । अहिलेसम्म कोरोनाबाट मृत्यु हुनेकाे संख्या ७६ हजार ९ सय २८ पुगेकाे छ ।
कुल संक्रमितमध्ये २ लाख १७ हजार २५० जना भने पूर्ण रुपमा निको समेत भइसकेका छन् । बाँकी ९ लाख ९८ हजारभन्दा धेरै संक्रमित हाल उपचाररत छन्, जसमध्ये १५.६ हजार ९९५ सयभन्दा बढी केस जटिल अवस्थाका रहेको जनाइएको छ ।
अहिलेसम्म न्यूयोर्कमा ३ लाख ३७ हजार ४२१ जना संक्रमित भएका छन् भने २६ हजार ३ सय ६५ जनाकाे मृत्यु भइसकेकाे छ ।बिहीबार मात्र त्यहाँ ३ हजार ९ सय ३० जना नयाँ संक्रमित भेटिएका छन् भने ४ सय ९ जनाकाे मृत्यु भएकाे छ ।
यता न्यूजर्सीमा पनि कोरोनाका कारण ज्यान गुमाउनेको संख्या ८ हजार ८३४ पुगेको छ । त्यहाँ एकैदिनमा बिहीबार मात्र २६२ को मृत्यु भएकाे छ भने २ हजार ४७ नयाँ संक्रमित थपिएका छन् । याे सँगै न्यूजर्सीमा काेराेना संक्रमितकाे संख्या १ लाख ३५ हजार पुगेकाे छ ।