काठमाडौँ, १५ वैशाख । कोभिड-१९ को जोखिम हुन दिन बन्दाबन्दी जारी रहँदा डिभिजन वन कार्यालयले तीनकोसे जंगलमा रुख काट्दै गरेको अवस्थामा एक जनालाई पक्राउ गरेको छ ।
कार्यालय प्रमुख हेमन्त साहका अनुसार पक्राउ पर्नेमा बर्दिवास नगरपालिकाअन्तर्गत पर्ने माइस्थान चेरुका ४५ वर्षीय झोकिलाल लामा रहेको छ ।
तीनेकोसे झाडीअन्तर्गत पानी खोल्सी प्राकृतिक वन क्षेत्रमा सालको रुख काट्दै गरेका लामालाई सहायक वन अधिकृत ओमविक्रम खड्काको नेतृत्वमा खटिगएको सशस्त्र वन सुरक्षाकर्मीसहितको टोलीले आज नियन्त्रणमा लिएको हो ।