काठमाडौँ, १६ फागुन । अमेरिकी राजदुतावासको कार्यकारी व्यवस्थापक हुँ भन्दै नक्कली परिचय पत्र देखाई ठगी गर्ने व्यक्ति पक्राउ परेका छन् ।
अमेरिका पठाउने विश्वास दिलाउन विभिन्न व्यक्तिलाई काठमाडौँस्थित अमेरिकी दूतावासको कर्मचारी भन्दै लाखौँ रकम लिई ठगी गर्दै आएका सिन्धुपाल्चोकको मेलम्ची नगरपालिका वडा नम्बर ९ स्थित ज्यामिरे डाँडाका ४१ वर्षीय विकास भन्ने केदार खड्कालाई प्रहरीले पक्राउ गरेको हो ।
उनलाई महानगरीय प्रहरी अपराध महाशाखाको टोलीले चावहिलबाट पक्राउ गरेको हो। उनीबारे थप अनुसन्धान भइरहेको प्रहरीले जनाएको छ ।
