काठमाडौँ, २२ माघ । अख्तियार दुरुपयोग अनुसन्धान आयोगक बाँकेका नापी कार्यालय सर्वेक्षक यामबहादुर खत्रीलाई ३५ हजार रुपैयाँ घुससहित पक्राउ गरेको छ ।
बुधबार अख्तियार दुरुपयोग अनुसन्धान आयोगकको कार्यालय बुटवल, सम्पर्क कार्यालय नेपालगंजबाट खटिएको टोलीले हाल साबिक भिडाउने काम बापत सेवाग्राहीसँग उक्त रकम घुस लिइसकेको अवस्थामा नापी कार्यालय बाँकेबाट उनलाई नियन्त्रणमा लिएको हो ।
अख्तियारले सर्वेक्षक खत्रीसँगै आफूलाई लेखापढीको काम गर्ने बताउने रुकुम पश्चिम चौरजहारी नगरपालिका-७ का प्रताप केसीलाई पनि नियन्त्रणमा लिएको छ ।
पक्राउ परेका दुवै जनामाथि थप अनुसन्धान भइरहेको आयोगले जनाएको छ ।