भक्तपुर, २७ पौष । प्रहरीलाई घुस दिन खोज्ने एक भारतीय नागरिक पक्राउ परेका छन् ।
शनिबार बेलुका ड्युटिमा खटिएको प्रहरीलाई एक हजार नगद दिएर फकाउन खोज्ने बोडे बस्ने २६ वर्षीय महोमद दिल्दार मिया नामका भारतीय नागरिकलाई प्रहरीले पक्राउ गरेको हो ।
मादक पदार्थ सेवन गरी मोटरसाइकल चलाएको फेला पारी कारबाही गर्ने क्रममा मियाले प्रहरीलाई आर्थिक प्रलोभनमा पार्न खोजेपछि उनलाई पक्राउ गरिएको बताइएको छ । यस सम्बन्धमा थप अनुसन्धान भइरहेको प्रहरीले जनाएको छ ।