काठमाडौँ, ५ पौष । १३ औं संस्करणको काठमाडौँ म्याराथनको महिलातर्फको उपाधि विभागीय नेपाल एपीएफ क्लबकी कान्छीमाया कोजुले जितेकी छिन् ।
आज त्रिपुरेश्वरस्थित दशरथ रंगशाला भएको म्याराथनमा कान्छीले निर्धारित दुरी २ घन्टा ५७ मिनेट २७ सेकेन्डमा पुरा गर्दै उपाधि जितेकी हुन् ।
यससँगै कान्छीमायाले काठमाडौं म्याराथनमा लगातार तेस्रो वर्ष उपाधि जित्दै ह्याट्रिक पुरा गरेकी छिन् । समग्रमा भने कान्छीमायाको पाँचौ उपाधि हो ।
पुरुषतर्फको उपाधि त्रिभुवन आर्मी क्लबका नरेन्द्र रावलले जितेका छन् । नरेन्द्रले निर्धारित दुरी २ घन्टा ३३ मिनेट १० सेकेन्डमा पूरा गर्दै उपाधि जितेका हुन् ।
