मकवानपुर, २७ मंसिर । दश किलो चरेससहित दुई जनालाई प्रहरीले पक्राउ गरेको छ ।
शुक्रबार बिहान प्रहरी चौकी भैँसेबाट खटिएको टोलीले भीमफेदी गाउँपालिका २ बाट बाराकाे पचरौटा नगरपालिका-७ का अरबिन्दकुमार पटेल र आदर्श कोतवाल गाउँपालिका १ का सुत्लान मिया अन्सारीलाई पक्राउ गरेको हो ।
बा ४० प ७२४० नम्बरको मोटरसाइकलमा चढेका उनीहरूबाट १० किलो २ सय ५० ग्राम चरेस बरामद गरिएको जिल्ला प्रहरी कार्यालय मकवानपुरले जनाएको छ । पक्राउ परेकामाथि थप अनुसन्धान भइरहेको प्रहरीले जनाएको छ ।