कपिलवस्तु, १ कार्तिक । कपिलवस्तुबाट प्रहरीले ३ लाख ५० हजार नगदसहित १४ जुवाडे पक्राउ गरेको छ ।
बिहीबार राति कपिलवस्तु नगरपालिका– २ को वगरगदवा गाउँमा सञ्चालित जुवा खालमा प्रहरीले छापा मारी १४ जुवाडे पक्राउ गरेको छ ।
वरगदवा गाउँका स्थानीय कानु कहारको घरमा सञ्चालित जुवा खालमा छापा मारेको थियो । लाखौँ रुपैयाँ हार जित हुने ढंगबाट संस्थागत जुवा संचालन भइरहेको खबर प्राप्त भएपछि प्रहरीले छापा मारेको प्रहरीले जनाएको छ ।
पक्राउ परेका १४ जनाविरुद्ध प्रहरीले मुद्धा चलाउने तयारी गरेको छ ।