धनुषा, ३० असोज । धनुषामा माटोको ढिस्कोले पुरिएर एक जनाको मृत्यु भएको छ भने अन्य दुई महिला घाइते भएका छन् ।
बिहीबार धनुषाधाम नगरपालिका ५ नौसयमा माटो खन्ने क्रममा ढिस्को खसेपछि पुरिएर सोही नगरपालिका -२ बस्ने श्रीप्रसाद यादवीकी १३ वर्षीया छोरी अञ्जली कुमारी यादव मृत्यु भएको हो ।
माटोको ढिस्कोले पुरिएर गम्भीर घाइते भएकी अञ्जलीलाई उपचारका लागि जनकपुर अञ्चल अस्पतालमा ल्याउँदै गर्दा बाटामै मृत्यु भएको इलाका प्रहरी कार्यालय धनुषाधामले जनाएको छ ।
ढिस्कोमा परेर धनुषाधाम–२ की रिंकु यादव र ममता महतो घाइते भएका छन् । उनीहरुको उपचार भइरहेको प्रहरीले जनाएको छ ।