एजेन्सी, ३० असोज । बार्सिलोनाका स्टार खेलाडी लियोनल मेस्सीले छैटौं पटक गोल्डेन बुट प्राप्त गरेका छन ।
पेरिस सेन्ट जर्मेन (पिएसजी)का केलियन एमबाप्पेलाई ३ गोलले पछि पार्दै २०१८/२०१९ को सिजनमा सर्वाधिक गोलकर्ता बनेर मेस्सीले गोल्डेन बुट प्राप्त गरेका हुन् ।
मेस्सीले २०१८/२०१९ सिजनमा ३६ गोल गरेका थिए । उनले गोल्डेन बुट जितेको यो लगातार तेस्रो पटक हो । फुटबलको इतिहासमा ६ पटक गोल्डेन बुट प्राप्त गर्ने मेस्सी पहिलो खेलाडी हुन् ।
उक्त अवार्ड कार्यक्रममा बोल्दै मेस्सीले भने, ‘मेरो परिवार, प्रशिक्षक, साथी सम्पूर्णमा धन्यवाद व्यक्त गर्दछु । तपाइँहरुको साथले गर्दा आज म यहाँ उपस्थित हुन पाएको छु ।’