काठमाडौँ, २९ असोज । रामेछापमा आफ्नै बुहारीले ससुराको हत्या गरेकी छन ।
जिल्ला प्रहरी कार्यालय रामेछापले आफ्नै ससुराको हत्या अभियोगमा बुहारीलाई पक्राउ गरेको छ ।
मन्थली नगरपालिका वडा नम्बर १२, जिङ्गल बस्ने ६५ वर्षीय डिकबहादुर अछामी सार्कीको हत्या अभियोगमा कान्छी बुहारी पार्वती अछामीलाई पक्राउ गरिएको हो ।
सार्कीको आफ्नै घरमा मृत अवस्थामा शव भेटिएको खबर आएपछि प्रहरी सो घटनास्थलमा पुगी शवको जाँच गर्दा कर्तव्यबाट ज्यान मारेको र घटनाको बारेमा अनुसन्धान गर्दा डिकबहादुर अछामी सार्कीकी कान्छी बुहारी पार्वती अछामीले दाउराको चिरपटले हत्या गर्न आएको प्रारम्भीक अनुसन्धानबाट खुलेको छ ।
बुहारी पार्वती अछामीलाई प्रहरीले पक्राउ गरेको छ । पार्वतीलाई म्याद थपका लागि जिल्ला अदालत रामेछापमा पेश गरिएको छ ।