कपिलवस्तु, २७ असोज । कपिलवस्तुमा दुई मोटरसाइकल एक आपसमा ठोक्किँदा एक जनाको मृत्यु भएको छ भने अन्य तीनजना घाइते भएका छन् ।
आइतबार साँझ कपिलवस्तु नगरपालिका–२ मा भारतीय नम्बरका दुई ओटा मोटरसाइकल आपसमा ठोक्किँदा ५५ वर्षीय नरदाई चौधरीको मृत्यु भएको हो ।
प्रहरीका अनुसार घाइते भएका चौधरीको उपचारको क्रममा जिल्ला अस्पतालमा मृत्यु भएको हो । अन्य तीन जना घाइतेको भने सोही अस्पतालमा उपचार भइरहेको छ । घाइते मध्ये १ जनाको अवस्था गम्भीर रहेको छ ।
उक्त घटनाबारे थप अनुसन्धान भइरहेको प्रहरीले जनाएको छ ।