काठमाडौँ, २५ असोज । चिनियाँ राष्ट्रपति सी चिनफिङको भ्रमणका बेला हुनसक्ने संभावित विरोध प्रदर्शन रोक्न प्रहरीले २८ जना ‘शंकास्पद व्यक्ति’लाई पक्राउ गरेको छ ।
प्रहरीले बिहीबार साँझदेखि शनिबार मध्याह्नसम्म गरी काठमाडौँको तीनकुने, बिजुलीबजार र थापाथली क्षेत्रबाट नियन्त्रणमा लिइएको महानगरीय प्रहरी परिसर काठमाडौँले जनाएको छ।
राष्ट्रपति सी शनिबार अपराह्न साढे ४ बजेदेखि ५ बजेको बीचमा त्रिभुवन अन्तर्राष्ट्रिय विमानस्थलमा उत्रिने जनाइएको छ । सीको सवारी हुने रुटमा दिउँसो २ बजेदेखि नै पूर्ण रुपमा सवारी सञ्चालनमा रोक लगाइने जनाइएको छ।
सीको भ्रमणका बेला सुरक्षा व्यवस्थापनका लागि १५ हजार सुरक्षाकर्मी परिचालन गरिएको छ।
