नवलपरासी, २३ असोज । नवलपरासीमा बस र बोलेरो जीप एकआपसमा ठोक्किँदा एक जनाको मृत्यु भएको छ भने अन्य ९ जना घाइते भएका छन् ।
कावासोती–१६ डण्डामा बुधबार राति ना ७ ख ५८१५ नम्बरको बस र लु २ च ६०७० नम्बरको केरा लोड भएको बोलेरो जीप एक आपसमा ठोक्किँदा बोलेरो जीप चालक नवलपरासी पश्चिम जमुनिया घर भएका २४ वर्षीय बलियार सुनारको मृत्यु भएको हो ।
दुर्घटनामा गम्भीर घाइते भएका सुनारको उपचारका क्रममा भरतपुरमा मृत्यु भएको प्रहरीले जनाएको छ । दुर्घटनामा बोलेरोमा सवार एक जना र बसमा सवार ८ जना गरी ९ जना सामान्य घाइते भएको प्रहरीले जनाएको छ ।