काठमाडौँ, २६ भदौ । सरकारले भोली शुक्रवार सार्वजनिक विदा दिने निर्णय गरेको छ ।
काठमाडौँ उपत्यकामा शुक्रबार इन्द्रजात्रामा सार्वजनिक बिदा दिइएको हो । काठमाडौँ उपत्यकामा इन्द्रजात्राको पहिल्यैदेखि सार्वजनिक बिदा हुने गरेको छ । सरकारले अन्य चाडमा सार्वजनिक बिदा कटौती गरे पनि इन्द्रजात्रामा भने बिदा कायम गरेको छ ।
इन्द्रजात्राको अवसरमा हनुमानढोका दरबारक्षेत्रको प्राङ्गणमा गणेश, कुमारी तथा भैरवको रथ निकाली दर्शनपूजन गर्ने गरिन्छ । यस दिन राष्ट्रपति, प्रधानमन्त्रीलगायत राज्यका विशिष्ट पदाधिकारी तथा कूटनीतिक नियोगका प्रतिनिधिले हनुमानढोका गई इन्द्रजात्राको अवलोकन गर्नुका साथै गणेश, कुमारी भैरवको दर्शन पूजा गरी प्रसाद ग्रहण गर्ने चलन छ ।