सोलुखुम्बु, २५ भदौ । सोलुखुम्बुमा नगदसहित सुन चोरेर भाग्ने एक जानलाई प्रहरीले पक्राउ गरेको छ ।
मंगलबार सोलुदूधकुण्ड नगरपालिका–३ तामाखानीमा नगदसहित सुन चोरेर भाग्दै गर्दा लिखुपिके गाउँपालिका–३ का अन्दाजी २७ वर्षीय बिनोद बस्नेतलाई प्रहरीले पक्राउ गरेको हो ।
प्रहरीका अनुसार स्थानीय सावित्री राजभण्डारीको घरभित्र पसेर सुटकेसमा राखेको एक तोला सुनको सिक्री, एक तोलाको औठी, आधा तोलाको अर्को औठी र कतारी एक रियल चोरेर भाग्दै गर्दा पक्राउ गरेको जनाएको छ ।
पक्राउ परेका बस्नेतको साथबाट लागुऔषध गाँजासमेत बरामद भएको र उनमाथि थप अनुसन्धान भईरहेको प्रहरीले जनाएको छ ।