सरकारले जनचाहना अनुरुप विकास र समृद्धिको डेलिभरी दिने समय आयो : मन्त्री पोखरेल

धरान, ७ साउन । उपप्रधान तथा रक्षामन्त्री ईश्वर पोखरेलले जनचाहना अनुरुप सरकाले डेलिभरी दिने समय आएको बताउनुभएको छ ।

धरान उपमहानगरका मेयर तारा सुब्बा स्मृति ग्रन्थ लोकार्पणका क्रममा उपप्रधानमन्त्री पोखरेलले साथै सरकारले विकासको गति तिव्र हुने बताउनुभयो । सरकार मात्र परिवर्तन नभइ प्रणालीनै परिवर्तन भएकाले नयाँ प्रणाली अनुकुलका कानुन, नीति र संरचना निर्माण भइरहेकाले जनचाहना अनुरुप सरकाले डेलिभरी दिन समय लागेको वताउनुभयो ।

‘एक बर्षको अवधिमा कानुन, नीति र संरचना निर्माण भएर आधारस्तम्भ तयार भएको छ’, उपप्रधानमन्त्री पोखरेलले भन्नुभयो ‘अव सरकारले गति लिन्छ ।’ उहाँले पार्टीको घोषणा पत्र तथा सरकारको नीति र कार्यक्रम अनुरुप सरकारले विकास र सम्वृद्धिमा फडको मार्नेमा ढुक्क हुन आग्रह गर्नुभयो । उहाँले तारा सुब्बा सजिलो अवस्थामा मात्र होइन अप्ठयारो अवस्थामा पनि चम्कन सक्ने ब्यक्तित्व भएको वताउनुभयो । उहाँको सपनाको रक्षा गर्नुपर्नेमा उपप्रधानमन्त्री पोखरेलको जोड छ । ‘मरेर जानेहरूले देखेको सपनालाई बाँच्नेहरूले आँखामा साँचिरहनुपर्छ’ उहाँले भन्नुभयो ।.सुब्बा भौतिक रूपमा यो संसारमा नरहेपनि विचार र कर्मले बाँचिरहेको वताउनुभयो ।

कार्यक्रममा प्रदेश प्रमुख गोविन्द तुम्याहाडले तारा सुब्बा विद्यार्थीसमयदेखिनै असल ब्यक्तित्व रहेको वताउनुभयो । मुख्यमन्त्री शेरधन राईले तारा सुव्वाले देख्नुभएको धरानलाई स्मार्ट सिटी वनाउने सपना पुरा गर्ने जिम्मेवारी प्रदेश र स्थानीय सरकारको काँधमा आएको वताउनुभयो ।

कार्यक्रममा सभामुख प्रदीप भण्डारी, प्रा डा टंक न्यौपाने, डा भीम खतिवडा, सांसद जयकुमार राई, नेकपा सुनसरी सचिव रमेश वस्नेत लगायतले तारा सुव्वाको योगदानको चर्चा गर्नुभयो ।

प्रतिक्रिया दिनुहोस्

संबन्धित समाचार

काठमाडौ‌ँ, २२ मंसिर ।  प्रहरी महानिरीक्षक खनाल दक्षिण एसियाली खेलकुद प्रतियोगिता अन्तर्गत पोखरामा जारी प्रतियोगिताको सुरक्षा व्यवस्था तथा प्रहरी परिचालनको

पाल्पा, २२ मंसिर । पाल्पामा टिपर दुर्घटना हुँदा सहचालकको मृत्यु भएको छ भने चालक घाइते भएका छन् । निस्दी गाउँपालिका-३

बाँके, २२ मंसिर । ट्रकले बिद्यार्थीलाई ठक्कर दिएपछि बाँकेको कोहलपुरमा प्रदर्शन चर्किएपछि कर्फ्यू लागेको छ । ना २ ख ९४५९ नम्बरको ट्रकले

बाजुरा, २२ मंसिर । बाजुरामा वनमा लागेको आगो निभाउने क्रममा लडेर एक जनाको मृत्यु भएको छ । जगन्नाथ गाउँपालिका-ढाडाकोटस्थित काउचाझूलाकाचिया