स्याङजा, १ असार । स्याङ्जाको भीरकोट नगरपालिका-५ आग्रिडाँडाका चौध वर्षीय बालक बाइस दिनदेखि बेपत्ता भएका छन् ।
गत जेठ १० गते दिउँसो ३ बजेर ३० मिनेटको समयमा भिरकोट-५ आग्रिखर्कस्थित घरबाटै गणेश विक बेपत्ता भएका हुन् । बाख्रा चराएर घर फर्केपछि घरबाट हिँडेको छोराको यत्तिका दिनेसम्म पनि कुनै अत्तोपत्तो नभएको आमा सीता विक बताउछिन ।
बेपत्ता भएका गणेशको सम्भावित ठाउँमा खोजी कार्यलाई जारी राखिएको छ भने जिल्लास्थित प्रहरी कार्यालयमा पनि जानकारी गराइसकिएको आमा विकले बताइन् । ‘छोराको फोटोसहित खोजीका लागि अहिले समूह बनाएर चारैतिर खोजी भइरहेको आमा सीता विकले बताइन ।