काठमाडौं, १४ चैत । प्रधामन्त्री केपी शर्मा ओलीले कम्युनिस्टको बर्को ओढेर जे पनि गर्न पाइन्छ भन्ने नसोच्न विप्लव समूहलाई चेतावनी दिएका छन ।
नेकपाको प्रदेश ३ को पहिलो बैठकमा बोल्दै प्रधामन्त्री ओलीले कम्युनिस्ट भएकै कारण कतिपयले विप्लव समूहप्रति नरम हुनुपर्ने भनेको भन्दै उनले विप्लवले कम्युनिस्टको बर्कोमात्र ओढेको दावी गरेका छन ।
उनले भने, ‘कम्युनिस्टको बर्को ओढेकाले कतिपयलाई केही अप्ठेरो लाग्न सक्छ । गृहमन्त्रीलाई नियन्त्रण गर्न खोजे भनेर पनि आएका छन्’, अनि के गृहमन्त्रीले उनीहरुलाई पड्काउ बम पड्काउ भन्ने ?’
आफूलाई लोकतन्त्रवादी भन्नेले विप्लव समूहलाई समर्थन गर्नु दुखद रहेको बताउदै उनले भने, ‘कठैबरा काङ्ग्रेस, हेर्दाहेर्दै कहाँ पुग्यो, सर्पको खेल जस्तो ९९ मा पुगेर स्वाट्टै २ मा झर्यो ।’
प्रधानमन्त्री ओलीले मुलुकबाट विखण्डनवाद समाप्त गर्दा पनि कांग्रेसले छाती पिटेको बताउदै उनले भने, ‘विखण्डनवाद समाप्त भयो । यता वितण्डा मच्चाउन खोज्नेहरुलाई पनि नियन्त्रणमा लिनुपर्नेछ । यसमा कथित लोकतन्त्रवादी भन्नेहरुले छाती पिट्छन’, उनले थपे, ‘ यी पक्षहरु देखेर मलाई कांग्रेस देख्दा मलाई टिठ लाग्छ ।’
प्रधानमन्त्री ओलीले विप्लव समूह पार्टी नभइ गिरोह भएको बताउदै उनले भने, ‘पार्टी भए कहाँ दर्ता छ ? सीडीओ कार्यालयमा छ कि, गृह मन्त्रालयमा छ कि कुनै घरमा छ ?’, ‘त्यो एउटा गिरोह हो ।’
