भक्तपुर, १३ चैत । स्वच्छ, सुन्दर तथा हराभरा वातावरण सिर्जना गर्ने मूख्य उद्देश्यका साथ भक्तपुरमा सञ्चालनमा रहेको नेपाल फूलवारीले फोहोर मैला व्यवस्थापन गर्न दुई चरणमा करिव ४५० डस्वीन वितरण गरेको छ ।
नेपाल रेडक्रस सोसाईटी, जिल्ला भक्तपुर शाखाको सहयोग तथा मध्यपुर थिमी नगरपालिका वडा नं. ७ को सहयोगमा नेपाल फूलवारीले उक्त डस्वीन वडा नं. ७ का स्थानीयवासीलाई वितरण गरेको छ ।
पहिलो चरणमा चैत २ गते १९६ वटा डस्वीन वितरण गरेको थियो भने आज २५० डस्वीन आफ्नो सदस्यतालाई वितरण गरेको छ । आज वडाध्यक्ष कृष्ण कुमार प्रजापतीको प्रमुख आतित्थ्ता तथा प्रशासकिय प्रमुख रवीन्द्र श्रेष्ठको उपस्थितीमा उक्त डस्वीनहरु वितरण गरिएको हो ।
सरकारको अभियान समृद्ध नेपाल सुखी नेपालीलाई साकार पार्न विशेष भूमिका निर्वाह गरेको उक्त संस्थाले भक्तपुरमा विभिन्न चरणमा सामाजिक तथा सरसफाईका कार्यक्रमलाई तिव्रता दिइरहेको छ । फूलवारीले हनुमन्ते नदी सफाई अभियान तथा अरनीको राजमार्ग सफाई अभियानलाई विशेष रुपमा महत्व दिईरहेको छ ।
सफाई अभियानको फोहोरलाई संकलन गरी व्यवस्थापन गर्नमा फूलवारीले विशेष भूमिका निर्वाह गर्दै आइरहेको छ । जसमा अरनीको राजमार्ग सफाईमा दैनीक ३ जना सफाई गर्ने कर्मचारी समेत खटाई राजमार्गलाई सफा, सुन्दर तथा प्राकृतिकमय मनाउने प्रयास गरिरहेको छ ।
